Startseite
  Archiv
  Was ich bisher gelernt habe...
  Fotos
  Gästebuch
  Kontakt

 

Webnews



http://myblog.de/sone

Gratis bloggen bei
myblog.de





 
Reise gut ueberstandn!

Also de 1. vo 3 reisn hobe scho moi gut ummebrocht!

bin am 3.juli um 3 uhr afgstandn.... und am 4. juli um 10.30 (nach der zeit in deitschland um 14.30) hobe erst wider in am bett schloffa kina.... so fia 3 stund ca!

da flug vo minga nach london wa recht angenehm, weil neba mir a netta mo gsessn is, mid dem i mi unterhoidn hon kina (der wa soga scho moi fia 10 monat in neuseeland!!)

dafia wars vo london nach miami ned so toll, weil 1. hod ses voll dahizong de 9,5 stund und 2. is neba mir a schweizer gsessn, der ned so gespraechig wa (der hod imma nur oan wodka-tomatnsaft nachm andan kafft!)  oba de zeit is a irgndwann voganga....

in miami hone dan ueber 1 stund af meine koffern gwartet, bis i irgndwann gmerkt hon, dass de scho jemand af da andan seitn vom band obado hod!! do haett i ja no lang wartn kina!!

als i grod gwart hon, in fliega eizumsteign, hod af oa moi ois um mi rum zum blinkn ogfangd, und i hon ma denkt : ´feueralarm, haha´! als dan oba a no da ton dazua kema is, hone gmerkt, dass des wirklich a feueralarm wa!! des is dan fia a viertl stund so dahi ganga, und dan wars vobei...  nix weida passiert!

nur dan is no  bloede durchsage kema, de mein flug nach rio betroffn hod: er haett eigentlich um 20.45 geh solln, oba da so a sturm wa, hods ghoisn, es voschiebt se af 21.15! (des is nach 6 stund wartezeit ned sche zum hoern!)

tatsaechlich weidaganga is dan um 22.30!!! prima!

oba im fliega is nermd neba mir gsessn, d.h. i hon me sche ausbreitn kina, zum schloffa.... da sonnenaufgang wa einfach wahnsinn - foto folgt, etz muase erst moi zum essn!!!!

also, bis boid!

servus, de gluecklich, wenn a a bissl miade, in brasilien angekommene sone!!!

 

5.7.07 00:30


der erste morgen in brasilien

sodala...

etz is bei mir kurz vor 9e...

seit 7e bine hellwch und topfit... vielleicht liegts dro, dasse gestern scho bei zeitn ins bett bin :-)

etz werde moi mei story vom flug weidaausfuehr:

(nur moi zur info: falls i moi `ety oda `yum``oda sonst irgndwie komische woerter schreib, dann vozeihts mas, weil do af da tastatur a bo buchstabn votauscht san, und machmoi denge einfach ned dro und schreib dann lauter kas!)

 

also, als i dan schliesslich (achja, a `scharfes s` gibts natuerlich a ned, genauso wie `ae` `oe` und `ue`, oba ihr werds me scho vosteh, wose schreim mecht...) in rio gland bin, hone ziemlich lang wartn miasn, bis i am zoll kontrolliert wordn bin.. wa recht anstrengnd, weile scho sehr miad wa!!

oba dan endlich hone raus kina, und hon dan a glei carol und ihrn dad af mi wartn gseng!!!

ham se voll gfreid, dasse endlich do war - i mi natuerlich a!!!!!

 

dan is mim auto ´hoam` ganga, haha.... also i wohn im 11. stock in ana wohnung, ca. 200m vom piraque club weg.... des is a anlage, wo ma sporttechnisch ois doa ko..... naja, i hoid ned, wega meim fuss....

oba eig. gibts dodn: tennis, fussball, swimmingpools, tischtennis, billiard, tanz- bzw. ballettraeume, turnhalle fia basketball, karate, hockez, a turnhalle extra mit turngeraetn (der mo, der do drin arbeitet, hod se soga no an mi erinnert, weil i do vor 2 joh moi kurz drin wa... haett ned gmoand , dass mi der no kennt!!!), fitnessstudio, kinderspieletage mit sachn von playstation bis krabbelecke, man ko se farradl ausleihn, genauso wie skates usw.............    de lage is a subba, weil des glei nebam see is, d.h. man ko soga segeln (wenn mas ko!)...   des is echt a traum do!!

uebrigens: es is 9e in da fria und mir is zu warm im zimmer!! und des, obwohl do winter is!!!! 9i glaub, bei uns is ety ned so warm dahoam!!!)

 

wenne aus dem fenster schau, sige d`christusstatue!!! de sigt ma vo so guad wie jedm punkt in rio, oba i find des trotzdem imma no so geil!!! neba mir schlofft da `badu`, des is da hund vo meina family.... voll der suesse!!

bin alleine dahoam, weil olle entweder in da schui, oda in da arbeit san!! 9nur d`haushaelterin is no do, oba de vosteht mi ned und i si a ned, also probier i erst ga ned, mid ihr zu redn. do vosteht mi da badu no bessa!! *gg*)

oba i werds etz trotzdem moi afsuacha und vosuacha ihr zum erklaern, dasse fruehstueckn wui... oba wascheinlich werd i mi einfach selba bediena, des hod mir d`carol a so gsogd...

also, bis spaeda..... dan gehts weida mid meina gschicht!

 

    

5.7.07 14:24


Sonnenaufgang

ok, i woas wirlich ned, warum des ned mog.....   also:

HILFE!!!! bitte!!

5.7.07 21:15


05/07/07

gestern wars subba: wa mid da julie (dad eich ja gern a foto vo ihr zoang, oba der scheiss geht ja ned...) in so am nobl spa ladn... do hone dan a wahnsinns ganzkoerpermassage griagd (do kandst da moi wos obschaun, mimi *ggg*)!! hod glaube 1 1/4 stund dauert!!!

danoch bine dann mid da julie no zu a freindin vo ihr, zur vanessa. de oabad irgndwos mid hotels oda so... naja, mid der hama uns dan ca. a hoibe stund unterhoidn, de is a voll nett gwen!!  anschliessend sama dan wieda hoam gfohn und do hoz dan middogessn gem... 

de haushaelterin do is echt voll lustig... etz grod hoz me in d´kuech gholt und mi gfrogd, obe des und des mog...  i hon dan gsogd, dasses ned woas, weil i de sachan, de sie mir zoagd hod ned kenn! da nam vo dene sachan bringt ma dann a ned vui!! des oanzige wose kennt hon, warn karottn und patatas, also kartoffeln... da rest hod ma nix gsogd..  sie red eh de ganz zeit mim hund, als ob der a mensch wad... nur hoert der nie af sie...

 

gestern af nacht wama in ana bar bzw bessa gsogd, mir ham a bier in ana bar kafft, oba drunga hamas af da strass... do san hunderte vo menschen einfach af da strass rumgstandn udn ham gsuffa (unvorstellbar bei uns, also midm saufa moane, haha.... *gggg*) as bier hod mir etz ned so gschmeckt, is hoid nix im vogleich mid meim russn oda cola-weizn *gg* oba so schlecht wars a ned, man hoz scho dringa kina!

an ganzn dog ueber gehts meim fuas imma subba, und in da nacht duad er weh wie nomoi wos....   i werds heid af nacht moi mid kuehln probiern, vielleicht gibt er dann moi in da nacht a ruah!!

bin etz grod wieda aloans dahoam und werd glei moi julie oruafa und dann ziang i mi moi o bzw um... 

werd heid no zum badn geh, hod carol gest gsogd.... ob im meer oda im pool im piraque club, des woase no ned!!

d´sonne scheint scho wieda wos nur geht und mir is scho wieda woam....

oba i wui eich ja ned aergern :-P nur es is echt a subba wetter do!!!!

also, i telefonier etz moi...

 

bis boid, eia sone 

 

6.7.07 15:35


Am strand vo Rio

9.7.07 01:09


keine Zeit!

hi leute!

also i hon etz ned vui zeit zum schreim, weile glei zum christus foh!! haha

gest und vorgest wama bei da oma und opa vo da carol..... also hone a nix schriem kina...

 

so, eintrag dazu folgt, muas etz echt los...... 9so vui stress im urlaub, nanana)

achja, des mid de fotos moche etz dann so, wies da dider gmocht hod, glaub des is beste...  oa foto is zwar ganga, oba de naechstn dann wieda ned, keine ahnung wos do as problem is... hon imma as gleiche do!

also

 

pfiadz eich!!!!

bussal

9.7.07 16:56


Tamagotchi pra tudo mundo

sodala.... i werd etz moi vosuacha, eich afn neustn stand vo meine erlebnisse in Rio zum bringa!!!

seit Freidog is ja scho einiges passiert!

also, war zum erstn moi am strand! sama mim bus nach ipanema gfohn... des is a Stadtviertl vo Rio, recht nobel, find i... do is dann a des schene buidl entstandn, des i af deara seitn hon! dod hama a bo freindinna vo da carol troffa, des olle sehr nett san! als ma dan digicam rausgholt ham, hans olle glei daherkema und wuidn mit mir afs foto!! wa recht lustig...

im meer wae a, oba i hon recht obacht gem miasn, wega meim fuas, oba es hod guad hikaud! wa oba ned lang drin, weil s´wasser ziemlich koid is.... umara 18.00 sama dan wieda mim bus hoamgfohn... dan schnei zamgricht und dan sama a scho wieda los ins `christal`, a disco.... do hama wieda all de maedls vom strand troffa.... i hon imma nur `gringa` (a bezeichnung fia Leid nicht brasilianischer herkunft) oda `tamagotchi` ghoisn. also tamagotchi hoise eigentlich scho seit 2 joh, also seit dem i as letzte moi do wa eben... weil ma se imma um mi so kuemmern muas. desweng hoiz imma `tamagotchi has to eat!`, `tamagotchi wants to take a shower?`, `tamagotchi wants a caipirinia?` usw... *ggg* vor allm da letzte vo dene saetze gfoid ma sehr guad *gg*

als ma dan da andern troffa ham, is d`juliana zum mir hergrannt und hod ma am arm gnumma und gsogd `come with mi, tamagotchi, i will bring some beer for you....` carol hod dan glei einwendn miasn, dass i ihr tamagotchi bin... irgndwann sama dan zu dem schluss kema `tamagotchi pro tudo mundo` (tamagotchi fuer jedn)! mei bier hone uebrigns dawei scho lang kabd...  erdbeercaipi (der mid de deitschn ne dzum vogleicha is) hod gfolgt, oba des wa dan shco im christal. do wird ma ziemlich genau kontrolliert, ned so wie bei uns, wennst ins habana oda so eine wuist..  erst moi sama af da vip listn gstandn, weil a freindin vo da carol geburtstag gfeiert hod....  dan tippns jedn nam in computer ei, dass ja koana bscheisn ko. oba anscheinend bringt des ned so wirklich vui, weil carol ja a den ausweis vo da julie kabd hod... es hod nur dazua gfuehrt, dass julie ned midkema hod kina, wega der sach mim computer... sonst haettns ja 2 moi a julie pontes....  naja, bloed!

sama um ca. 22.30 eine, und bis um 00.00 hoz fluegerl umsonst gem! des wa ned schlecht :-)))   musik wa a ned uebel, mone und christl haette do bestimmt nimma rausbrocht *gg*

wama bis hoibe 4 drin.... bevor ma raus san, hod carol dan no zahlt, weil ma de getraenke imma nit a kartn bstelln hod miasn, wo dan ois gspeichert wird... i hon dawei untn gwart. dan af oa moi hams an mir oane vobeitrong, hon gmoand de wa so bsuffa, dass hoid nimma geh hod kina... oba dan hone gseng, dass am ganzn bodn blut wa!! keine ahung ob des vo ihr war, oba i woas ned vo wem sonst... innerhalb vo 5 min. wa dan scho oana do, der ois wegputzt hod. oba i woas ned, wos do los wa! naja, hoff moi ned, dass de jemand obgstocha hod oda so.... weil so war de disco eig. ganz in ordnung... nur de typn ham ganz sche gnervt. de ham natuerlich glei gmerkt, dass i a `gringa` bin, und ham me bloed ogmocht; do wae echt froh, dass carol imma do wa, de hoz dan votrimm, weil i ja fast koa wort vostandn hon vo dem wos ma vozeiht ham *gg* sie wa quasi mei bodzguard!! naja, da flavio (ihr pa) hod uns dan obghoid und hoambrocht!

 

am samstag sama dan scho um 8.30 afgstandn (wos scho verdammt fria is, wenn ma bedenkt, dass i erst um 4e ins bett bin....). sama dan umara 10 oda losgfohn zur oma und opa vo carol und marcelo1

nur a autofahrt vo 3-4 stund weg....  richtung são paulo! da ort hoast: guaratingueta! a ganz a einfach wort, hahaha

dod okema wa mei tagesablauf wie folgt: essn, sonnen, schloffa, shoppn geh, essn, schloffa, afsteh, essn, sonnen, duschen, essn geh, faulenzen, hoamfohn! also 2 ziemlich entspannte dog... oba i glaub i werd boid moi a dieaet mocha miasn, weil i do so vui zum esnn griag!! des is echt da hama... bei da oma hods no mehr gem als sonst imma... und oma hod zu da family gsogd: gebts ihr vui zum essn, de schaut so duenn aus... also hods uns an ganzn kofferraum voll vo essn midgem!!!! prima....  

 heid wae im pool vom haus schwimma, waehrend carol und ihr mam gloffa san, weil i ja ned laffa ko :-(

hon me dan a no a bissl gsonnt! weil da pool voll koid wa.. oba naja, hauptsach irgnd a moeglichkeit, meine ogfressna kilos wieda wegzumbringa!!! sonst platze irgndwann no!!

 

danoch wama dan beim christus!!! carol und i! sama mid da bahn afegfohn... und i hon a bo fotos waehrend da fahrt gmocht, wos ganz schlau wa vo mir, weil dann als ma obn okema san mei akku la wa!!! des wa beschissn!!! oba hamas dan doch no gschafft oa foto vo mir zum mocha, natuerlich mim christus im hintergrund.... des findz hoffe boid in meim fotoalbum unter web.de.....

ja, dann sama hoam und hama middog gessn, also um 16.00!! oba naja.... de essn ebn spaeda middog als mir. moch i ja a manchmoi, gei mimi?! *gg* oba dan eig. nur, weile eher nix essn ko (dieser blode alkohol imma.... pfui pfui pfui.... *gg*)!

dan wama zu fertig um no irgndwos zum doa, weils so woam wa, als ma am corcovado (so hoast der berg, wo de statue steht) warn... hama nur in da wohnung rumgleng und nix bsonders do... es is echt soooo hoas! :-P oba mir gfoids!!

also, werd heid ziemlich frueh ins bett geh, weil i moang mid da marília in club geh, de unterricht wassagymnastik (oba i mog ned an a trainerausbildung teilnehma *gggggg*)! haha

so, hoff eich glangd der lesestoff bis moang oda so ;-)    oba i hon ja a an haufa nachzumhoin kabd!!!

also, bis boid dan!!!

seruvs

10.7.07 00:43


 [eine Seite weiter]



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung